EAC – Oda Sllovene e Bizneseve ka kënaqësinë t’ju ftojë në një event të veçantë biznesor online, ku do të njiheni me rrjetin e klubeve sllovene të biznesit në mbarë botën dhe me mundësi konkrete për bashkëpunim dhe zgjerim në tregjet e huaja. 📅 Data E hënë, 5 tetor 2026 💻 Platforma Zoom 🕒 Orari 15:00–16:20 – Prezantimi i tregjeve dhe mundësive të biznesit 16:20–17:20 – Takime B2B me klubet sllovene të biznesit Për kë është i dedikuar eventi? • Kompanitë sllovene që tashmë operojnë në tregjet e huaja • Kompanitë që planifikojnë internacionalizimin • Eksportuesit • Kompanitë që kërkojnë distributorë, partnerë ose mundësi të reja biznesi Gjuha e punës: Sllovenisht, me përkthim simultan në anglisht Moderatore: magj. Katarina Wakounig PROGRAMI 15:00–15:05 | MIRËSEARDHJA DHE HYRJA NË EVENT 15:05–15:15 | RRJETI SLLOVEN I BIZNESIT NË BOTË Prezantim i shkurtër i klubeve sllovene të biznesit: • Ku operojnë klubet sllovene të biznesit në mbarë botën • Misioni dhe roli i tyre • Si i ndihmojnë kompanitë sllovene të hyjnë në tregjet e huaja • Lidhja e ekonomisë sllovene me mjediset lokale të biznesit 15:15–16:05 | 14 TREGJE – 14 MUNDËSI Austria | Belgjika | Bosnja dhe Hercegovina | Kroacia | Italia | Kosova | Nigeria | Polonia | Maqedonia e Veriut | Sllovakia | Serbia | Tunizia | Zambia | SHBA SHTETI → TREGU → MUNDËSIA → KONTAKTI • Ku janë mundësitë konkrete të biznesit? • Cilët sektorë kanë potencial? • Me kë mund të lidheni? 16:05–16:15 | SI TË HYJMË ME SUKSES NË NJË TREG TË HUAJ? Prezantim i shkurtër i hapave kryesorë të internacionalizimit dhe mundësive për mbështetjen e ekonomisë sllovene gjatë hyrjes në tregjet e huaja. 🎤 Andreja Mulec Bohinc, Sektori për Nxitjen e Internacionalizimit, SPIRIT Slovenia 🎤 Robert Frandolič, Kryetar i SGBN 16:15–16:20 | PËRFUNDIMI Përmbledhje e shkurtër dhe udhëzime për takimet B2B. 16:20–17:20 | TAKIME B2B Takime individuale të drejtpërdrejta me klubet sllovene të biznesit. Mundësi për: • Prezantimin e kompanisë dhe interesit tuaj të biznesit • Pyetje rreth një tregu të huaj konkret • Kërkimin e partnerëve dhe distributorëve lokalë • Dakordimin për bashkëpunim dhe lidhje të mëtejshme 📅 REGJISTRIMI Regjistrimet janë të hapura deri më 1 tetor 2026. 👉 Regjistrohuni këtu 🌍 Ju mirëpresim për të hapur së bashku dyert drejt mundësive të reja ndërkombëtare të biznesit!
Oda Sllovene e Bizneseve në Kosovë organizoi me sukses Forumin për Sigurinë Financiare dhe Investimin në Metale të Çmuara, me pjesëmarrjen e përfaqësuesve të institucioneve publike, komunitetit diplomatik, si dhe bizneseve sllovene dhe kosovare. Në forum morën pjesë përfaqësues nga Banka Qendrore e Republikës së Kosovës (BQK), Dogana e Kosovës, Administrata Tatimore e Kosovës (ATK), Metrologjia dhe Inspektorati i Tregut, si dhe përfaqësues të institucioneve dhe komunitetit të biznesit. Mysafirë nderi të forumit ishin Ambasadori i Sllovenisë, z. Borut Blaj, Ambasadori i Shqipërisë, z. Petrit Malaj, dhe Ambasadori i Malit të Zi, z. Bernard Çobaj. Me këtë rast, z. Blaj mbajti edhe një fjalë përshëndetëse. Takimin e udhëhoqi z. Bajram Fusha, Drejtor i Odës Sllovene të Bizneseve në Kosovë, ndërsa përvojën dhe perspektivën sllovene në fushën e sigurisë financiare dhe investimeve në metale të çmuara e prezantuan z. Peter Slapšak dhe z. Bogdan Kukovec nga kompania sllovene Elementum. Një rezultat konkret i forumit ishte formalizimi i bashkëpunimit ndërmjet kompanisë sllovene Elementum dhe kompanisë kosovare Flori Diamonds, të përfaqësuar nga z. Trim Gjota, njëherësh mikpritës i aktivitetit. Përmes këtij aktiviteti, Oda Sllovene e Bizneseve në Kosovë kontribuoi në shkëmbimin e përvojave, krijimin e kontakteve të reja dhe nxitjen e bashkëpunimit ndërmjet institucioneve dhe komunitetit të biznesit të Sllovenisë dhe Kosovës. Oda Sllovene e Bizneseve në Kosovë do të vazhdojë të krijojë dhe të zhvillojë mundësi për partneritete të reja ndërmjet kompanive sllovene dhe kosovare. Dyert e Odës Sllovene të Bizneseve në Kosovë janë gjithmonë të hapura për ju!
Oda Sllovene e Bizneseve në Kosovë realizoi një vizitë në kompaninë MIROVA, me qëllim njohjen nga afër me aktivitetin e saj, kapacitetet prodhuese dhe planet për zhvillim dhe zgjerim në tregjet ndërkombëtare. MIROVA është prodhuesi i vetëm i valigjeve në Ballkan, duke përfaqësuar një shembull të rëndësishëm të potencialit prodhues të Kosovës dhe të mundësive për zhvillimin e produkteve vendore me orientim drejt eksportit. Gjatë vizitës u diskutua për kapacitetet prodhuese të kompanisë, planet për zgjerim dhe mundësitë për prezantimin e produkteve “Made in Kosova” në tregjet evropiane. Oda Sllovene e Bizneseve në Kosovë mbetet e përkushtuar në mbështetjen e kompanive kosovare në zhvillimin e tyre, krijimin e partneriteteve të reja dhe zgjerimin e aktiviteteve në tregjet e huaja. Mbështetja e prodhuesve vendorë dhe promovimi i produkteve “Made in Kosova” janë pjesë e rëndësishme e forcimit të konkurrueshmërisë së ekonomisë kosovare dhe krijimit të mundësive të reja për prezencën e tyre në tregjet evropiane. MIROVA dëshmon se produktet e prodhuara në Kosovë kanë potencial të kalojnë kufijtë dhe të konkurrojnë me sukses në tregjet ndërkombëtare. MADE IN KOSOVA – GATI PËR EVROPË! 🇽🇰🇪🇺
Kosova po kalon një periudhë që kërkon përgjegjësi, stabilitet dhe bashkëpunim institucional. Pavarësisht zhvillimeve politike, një gjë duhet të mbetet prioritet i përbashkët: ekonomia, bizneset dhe vendet e punës. Bizneset tona kanë nevojë për institucione funksionale, siguri juridike, më pak barriera administrative dhe një ambient ku investitorët vendorë dhe ndërkombëtarë mund të planifikojnë me besim. Si Oda Sllovene e Bizneseve në Kosovë, besojmë se pikërisht në periudha të tilla duhet të intensifikohet dialogu ndërmjet biznesit, institucioneve dhe partnerëve ndërkombëtarë. Kosova ka potencial. Ka ndërmarrës të suksesshëm, fuqi të re punëtore, diasporë të fuqishme dhe partnerë evropianë të gatshëm për bashkëpunim. Politika mund të ketë dallime. Ekonomia duhet të ketë drejtim. Ne do të vazhdojmë të punojmë për forcimin e bashkëpunimit ekonomik Kosovë–Slloveni 🇽🇰🤝🇸🇮, për krijimin e partneriteteve të reja dhe për promovimin e Kosovës si një vend ku ia vlen të investohet. Sepse një ekonomi e fortë është interes i të gjithëve. #OdaSlloveneEBizneseve #Kosova #Slovenia #Business #Investime #Ekonomi #Bashkëpunim
Drejtori i Odës Sllovene të Bizneseve në Kosovë pati nderin të marrë pjesë në pritjen solemne të organizuar me rastin e 35-vjetorit të Pavarësisë së Republikës së Sllovenisë. Ceremonia mblodhi përfaqësues të institucioneve shtetërore, trupit diplomatik, organizatave ndërkombëtare dhe komunitetit të biznesit, duke ofruar një mundësi të çmuar për forcimin e dialogut dhe bashkëpunimit ndërinstitucional. Pjesëmarrja në këtë ngjarje rikonfirmon marrëdhëniet e shkëlqyera të miqësisë ndërmjet Republikës së Sllovenisë dhe Republikës së Kosovës, si dhe angazhimin e përbashkët për zgjerimin e bashkëpunimit ekonomik, institucional dhe investues. Oda Sllovene e Bizneseve mbetet e përkushtuar në promovimin e partneriteteve të qëndrueshme, krijimin e mundësive të reja për bizneset dhe forcimin e lidhjeve ekonomike ndërmjet dy vendeve.
Një ditë e rëndësishme për forcimin e bashkëpunimit ekonomik ndërmjet Kosovës dhe Sllovenisë. Në ceremoninë e prezantimit të Fire Destroyer Kosova, morën pjesë përfaqësues të institucioneve, komunitetit të biznesit dhe partnerëve të ndryshëm, ku patëm nderin të mirëpresim Ambasadorin e Republikës së Sllovenisë në Kosovë, z. Borut Blaj, i cili iu drejtua të pranishmëve me një fjalë rasti. Në emër të Odës Sllovene të Bizneseve, Drejtori Ekzekutiv, z. Bajram Fusha, përshëndeti këtë iniciativë, duke vlerësuar rëndësinë e kompanive që sjellin në tregun kosovar jo vetëm produkte inovative, por edhe teknologji të avancuar, standarde evropiane, siguri dhe mundësi të reja për zhvillimin e komunitetit të biznesit. Gjatë fjalës së tij, z. Fusha theksoi se kompani si Fire Destroyer janë shembuj konkretë të vlerës së bashkëpunimit ndërmjet Kosovës dhe Sllovenisë, duke sjellë ekspertizë, inovacion dhe zgjidhje moderne që ndihmojnë bizneset të përballen me sfidat e sigurisë dhe të rrisin qëndrueshmërinë e operimit të tyre. Fire Destroyer Kosova prezanton një teknologji të avancuar evropiane për mbrojtje aktive dhe automatike nga zjarri, e cila funksionon pa energji elektrike, pa sensorë dhe pa ndërhyrje njerëzore, duke mundësuar reagim të shpejtë dhe reduktim të dëmeve materiale dhe rreziqeve për jetën e njerëzve. Në përmbyllje të aktivitetit, Drejtori Ekzekutiv i Odës Sllovene të Bizneseve, z. Bajram Fusha, ftoi z. Durim Sheremeti dhe i dorëzoi simbolikisht dhuratën promocionale të brendit kombëtar slloven “I Feel Slovenia”, si shenjë vlerësimi për angazhimin në sjelljen e teknologjive dhe zgjidhjeve inovative evropiane në Kosovë. Oda Sllovene e Bizneseve vazhdon të mbështesë dhe promovojë iniciativa që forcojnë lidhjet ekonomike ndërmjet Kosovës dhe Sllovenisë, duke krijuar mundësi të reja për bizneset, investimet dhe zhvillimin e qëndrueshëm të sektorit privat.
Drejtori Ekzekutiv i Oda Sllovene e Bizneseve mori pjesë në Forumin Global të Bizneseve 2026, i cili u zhvillua në Slloveni, duke përfaqësuar organizatën dhe komunitetin e biznesit në Kosovë në një platformë të rëndësishme ndërkombëtare të fokusuar në bashkëpunimin ekonomik, investimet dhe krijimin e lidhjeve të reja biznesore. Pjesëmarrja në këtë forum pasqyron angazhimin e vazhdueshëm të Oda Sllovene e Bizneseve për të promovuar bashkëpunimin ndërmjet Kosovës, Sllovenisë dhe partnerëve ndërkombëtarë, duke krijuar hapësira të reja për shkëmbim të përvojave, zhvillim ekonomik dhe partneritete afatgjata. Përmes pjesëmarrjes në ngjarje të tilla ndërkombëtare, Oda Sllovene e Bizneseve vazhdon të forcojë rolin e saj si urë lidhëse ndërmjet komuniteteve të biznesit dhe të kontribuojë në krijimin e mundësive të reja për rritje dhe bashkëpunim. Kur ndërtohen lidhje të forta, krijohen mundësi të mëdha.
Pjesëmarrja e EAC – Odës Sllovene të Bizneseve në Kosovë në panairet ndërkombëtare AGROKOS & EXPOKOS 2026, të mbajtura në Prishtinë më 3–4 qershor 2026, përfaqësoi një nga ngjarjet më të rëndësishme promovuese dhe biznesore në rajonin e Ballkanit Perëndimor. Kjo pjesëmarrje shërbeu si një mundësi e vlefshme për promovimin e ekonomisë sllovene, prezantimin e kompanive dhe produkteve sllovene, si dhe forcimin e bashkëpunimit ekonomik ndërmjet Kosovës, Sllovenisë dhe vendeve të tjera të rajonit. Përmes prezencës në AGROKOS & EXPOKOS, EAC theksoi potencialin ekonomik dhe investues të Sllovenisë, duke prezantuar inovacionin, ekspertizën dhe konkurrueshmërinë e kompanive sllovene, si dhe duke krijuar lidhje të reja me biznese dhe investitorë të interesuar në tregun rajonal. Panairet përfshinë sektorë kyç si bujqësia, ndërtimtaria, energjia, minierat dhe mbrojtja e siguria, duke krijuar një platformë dinamike për rrjetëzim, shkëmbim njohurish dhe zhvillim biznesi. Pjesëmarrja në këto ngjarje prestigjioze kontribuoi në rritjen e dukshmërisë së kompanive sllovene dhe në forcimin e bashkëpunimit afatgjatë, inovacionit dhe zhvillimit të qëndrueshëm ekonomik në rajon.
EAC – Oda Sllovene e Bizneseve në Kosovë, në bashkëpunim me Flori Diamonds, Elementum nga Sllovenia dhe me Odën Ekonomike Amerikane në Kosovë, organizon më 9 shtator 2026 në Prishtinë një Forum Biznesi me fokus në sigurinë financiare dhe investimet në metale të çmuara. 🇸🇮 Elementum, kompani e specializuar nga Sllovenia në fushën e investimeve në metale të çmuara, do të përfaqësohet nga dy ekspertë, të cilët do të ndajnë përvojën, praktikat dhe qasjet sllovene në këtë fushë. Gjatë Forumit do të trajtohen tema me rëndësi për individët dhe bizneset, me fokus të veçantë në: Sigurinë financiare Diversifikimin e aseteve Investimet në metale të çmuara Ruajtjen afatgjatë të vlerës së aseteve Ky Forum Biznesi vjen si vazhdim i interesimit të krijuar gjatë webinarit të organizuar më herët këtë vit, i dedikuar ekspertizës dhe përvojës sllovene në sigurinë financiare dhe investimet në metale të çmuara. Forumi do të mbledhë përfaqësues të institucioneve relevante të Republikës së Kosovës, kompani nga Kosova dhe Sllovenia, investitorë dhe partnerë të ftuar, duke krijuar një hapësirë për shkëmbim të njohurive dhe përvojave, diskutim të hapur dhe krijimin e kontakteve të reja. Pjesëmarrësit do të kenë gjithashtu mundësi për Q&A, networking dhe takime B2B, duke ofruar hapësirë për të eksploruar partneritete të mundshme, mundësi të reja biznesi dhe bashkëpunim të ardhshëm. Detajet e Forumit 📅 Data: 9 shtator 2026 🕐 Ora: 13:00 📍 Lokacioni: Prishtina Mall, Flori Gallery, Kati i 1-rë Konfirmimi i pjesëmarrjes 📩 Pjesëmarrja duhet të konfirmohet paraprakisht në emailin zyrtar të Odës Sllovene të Bizneseve në Kosovë: odasllovene@gmail.com 🇸🇮🇽🇰 Përmes këtij Forumi Biznesi, EAC – Oda Sllovene e Bizneseve në Kosovë, së bashku me partnerët e saj, synon të krijojë mundësi për shkëmbim të përvojave dhe njohurive, si dhe të kontribuojë në forcimin e lidhjeve ekonomike dhe të biznesit ndërmjet Kosovës dhe Sllovenisë.
MOS 2026 është panairi më i madh biznesor dhe tregtar në rajon, i cili do të mbahet nga 16 deri më 20 shtator 2026 në Celje, Slloveni. Ngjarja sjell së bashku mbi 50,000 vizitorë dhe rreth 650 ekspozues nga rreth 20 vende, duke ofruar një platformë për inovacion, ndërlidhje biznesi, zgjidhje për ndërtim të qëndrueshëm, teknologji, turizëm dhe mundësi të tjera zhvillimi
